اكو شي .. ما جاي اعرفه
حيل ماخذ ... مني بالي
شبيه شو هالفتره صاير
ما اثق حتى ... بخيالي

اي نعم احساسي ... هذا
واني حيل احساسي غالي
تغيرت من شخص عاشگ
الى واحد ... لا ابالي

وبالاخص ... ذاك الهويته
حيل طلّع ... مني روحي
لأن خله ... ابگلبي غصه
وجان اله .. ايد بجروحي

يمكن الخلاني ضايع
هو تفكيري بحضرته
هو لاهــي بغير عالم
وما يفكر ... بيه حته

الله شاهد جنت احبه
وجنت اريده بصير اليه
بس هو ما قـدر نعمته
وصار يتغير ... عليه

واني كل الغلط مني
انطيته عين وصار يجرح
عالعموم اني ... تركته
ابقى يمه ... ابد مو صح

وراح احاول انسى حبه
وبره مني ذاكرتي اطلعه
والا اخلي ... هو يندم
ومثل دمعي .. راح اوگعه

ليش اضيع وقتي اني
وانقهر عالراح ... مني
الله وياه ... بالسلامة
خلص راح وشنو يعني