فدوه لله اشتنحبين
اشهل الخلقه المو عاديه
يحليل دمچ محبوب
وبكلشي استثنائيه
ابهيده يا بنت الناس
واشوي اشوي عليه
خايف اذا خصرج مال
تميل الكرة الارضية

سبحان ربي السواج
هيبه ورقة وشخصية
شعرج وشاماتج ذول
يدوخن ويسطرن بيه

على هونج ... على هونج
من فدوه اروحن لعيونج

بعيوني كل النسوان
مايحلن يل احلاهن
هو انتي يا روح الروح
بس أعيونج تسواهن

تدرين لو ما تدرين
محد يشبه جمالج
ابصفحة كل هذا الكون
وبصفحة انتي الحالج
گبال الگمر لتصيرين
ينشز كدامج ... اعيونج
مثل الشمــس وجهج هاذ
وياظلمة اتمر ابكونج

على هونج ... على هونج
من فدوه اروحن لعيونج

مهووس بيج وجنيت
وبصدري صرتي انفاسي
سيطرتي انتي عالبال
وحدج مقيمة ابراسي

وحتى ما اطولها اعليج
اني صاير مجنونج
بس رايد اعرف فد شي
بيت اهلج شيوكلونج

عوفيني اسهر وياج
وخليني ابعشگج هايم
عاجبني اتغزل بيج
يا احلى شي بالعالم

على هونج ... على هونج
من فدوه اروحن لعيونجه