حلوة وسمرة گصيرة تجنن
دايخ بيها ... وعقلي منجن
تموت ويلي ... تفتن تفتن
ياربي اشسوت بحوالي

من ضحكتلي شفت الدنيا
صارت حلوة .. ومو عادية
اثرت بيه ... فد شخصية
ما كامت تطلع من بالي

انا اتوقع ... صاير مدمن
واتوقع متخبل ... يمكن
اصلا فاقد عقلي .. اصلا
ما ادري حبها اشسوالي

..

بالروح افديها ... اني وبالدم
بين اضلوعي ... لازم تنضم
مثل الوردة ... انخلقت للشم
ياويلي اتخبل سحرتني

الحاجب خنجر .. من اترفعه
والخد امورد ... بي لمعة
وفيروز الصوت امن اتسمعه
للجنه ابحبها امدخلتني

نورت هذا ... العالم كله
ابنيه احلى امن الشمس احلى
نستني العالم ... وي اهله
معشوگة گلبي امدوختني