كبيرة يابني فرحتي كبيرة
اكبر من الاحلام والغيرة
مـــن كتر ما كبيرة بعيني
افراح كـــل الناس يا بنيي
قدام فرحة بيك صغيرة

فرحتك فرحة العمر السعيدة
وحيد كبرت تسلم يا وحيدي
وما دام نويت ع عيشة جديدة
بدي ايدك تحطها بايدي
ورح بهديك افكاري الرشيدة
فيها عمول تا ريح ضميري

ياللي اخترتها لعمرك رفيقة
وطريقك صار مربوط بطريقها
عاملها معاملة زوجة وصديقة
وصارحها كل ساعة بالحقيقة
حبال الكذب يا بنيي قصيرة

وخلي الصدق ميزان بطريقك
وعدوك علمو يعمل صديقك
قدر ما فيك اشعر مع رفيقك
الله ينشلك ايام ضيقك
لا ترضى ينام غيرك عالحصيرة
وانت تنام ع فرشة وثيرة