من وقت ل شفتك شغلت عيوني
بنسى المواعيد بخلق اعذار
وصحابي عرفوا قالوا ونصحوني
اللي بيبدا جنّة بيخلص نار

يا قلبي اهدى اهدى ولا تكشف اسراري
يا وقت اوقف لحظه تا رتِّب افكاري
يا عيون حاج تلوحي يميني وشمالي
معقول شو انا عم بحلم او يمكن حبّيت؟

مش عم تخلص ضحكاتي ولا عم توقف بسماتي
هلق بحسّوا عليّ وبقولوا عم بخوت ويمكن جنّيت
يمكن حبّيت
يمكن يمكن جنّيت

يا قلبي اهدى اهدى واوقف لحظة
ويمكن يمكن انا حبّيت

شو يلّي عم بدور ببالو؟
بظهر شعوري ولا بخفيه؟
وإزا مرّة مرقت ولوحدي قبالو
بتبيِّن حركشة فيه؟

معقول عم يتردَّد او انا عم بتسرَّع
او يمكن حدا بباله
او حاسه عم يتسمَّع؟

يا قلبي اهدى اهدى ولا تكشف اسراري
يا وقت اوقف لحظه تا رتِّب افكاري
يا عيون حاج تلوحي يميني وشمالي
معقول انا عم بحلم او يمكن حبّيت؟

مش عم بكفّي ليلي و لا عم بكفّي نهاري
طلعت من البيت فلّيت
وضلّوا جوّا المفاتيح وفاضي البيت
يمكن حبّيت
يمكن يمكن جنّيت

يا قلبي اهدى اهدى واوقف لحظة
ويمكن يمكن انا حبّيت

يا قلبي اهدى اهدى ولا تكشف اسراري
يا وقت اوقف لحظه تا رتِّب افكاري
يا عيون حاج تلوحي يميني وشمالي
معقول انا عم بحلم او يمكن حبّيت
لا يمكن جنّيت لا يمكن جنّيت