مرت الايام بينه ونالنه بس التعب
والحزن النه انكتب
لتسالني ع السبب
سبب همنه الطيبة
ننصدم يوميه بأحد
ومحد ويانه بقى
كلها مو كد الثقة
واللي بالحب ارتقى
العذاب يصيبه
لاتظن درب الخيانه والغدر
يصلح اللي ينكسر
غلطة وتكلفك عمر
احنه قسمتنا العذاب والدمع
نبجي دم وننوجع
وبعد نرجع ننخدع
صارت رخيصه العشرة
ونبيعها ونتبره
يعيش البشر كل عمره
كل يوم يعثر عثرة
والانتقام المشروع ان احنا ننسى الموضوع
واليبقى عايش مخدوع تبقى بحياته الحسرة

ماكو حل لهالمشاكل يسري بالدم الكذب
وعالغدر ما ينعتب
مالنا وياهم ذنب غير حبنه الصافي
الجان فوك الشبهة عدنا طلع من عنده البله
ياما ضحينه اله
صدره بالغل امتلى
كافي نتعب كافي
خايفين وصرنا منحب اي شعور
مالنا بالحب حضور
فاشلين بهالامور
البعد عن كل شي راحه وشي جميل
لان متعذبين حيل
شفنا من العشرة ويل
عاشرنا وتندمنا
والناس حركت دمنا
والعاش عمره يمنه
هم ماكدر يفهمنه
ملينه بس نأمن
ونكول نفرح يمكن
هاي الغباوة البينه
نحن عاللي كلبه مايحن