انا في الحزن غنوة بتبتدي بموال انا
انا القلب اللي داب م الوحدة والاهمال انا
ونسبة جرحي مليون جرح في المية
ونسبة فرحي مليون صفر علي الشمال انا

انا اللي الدنيا قسماني وكسرت ضهري ميت حتة
وسابت كل خلق الله وجت علي قلبي انا وحاطه
مع الناس ماشيه بركاوي
وعندي بتتقلب حاوي
في حرقه قلبي ودموعي بترسم كل يوم خطة

انا انا الجرح مالوش الا انا
انا انا نفسي في ضمة حنينة
ابوس ايدك يا دنيا حرام ماتخافي بقي من ربنا

ياعيني ع الولد لما تخليه الحمول شايب
وايه بقي فايدة الشاطر مدام الحظ كان خايب
مدام الهم كان عيلتك وكنتم اهل وقرايب
ماهتشوف الفرح لو حتي نظرك ستة علي ستة