شهذا الجمال اليكتل .. يل كل الحسن بعيونچ
الدنية بدونچ تخرب .. لا ما تنسكن من دونچ
دورت شفافچ تسحر .. ويطيح الجبل گدامچ
والدرب يحضن جدمچ .. ول لمن تدوسة جدامچ
وجهچ الكحل عيني .. ول من عندة لتحرميني
لو بوسة اخذ منچ .. كل عمري اظل ممنونچ

امشي وراچ مغمض .. وماريد افتح عيوني
متعبني كلش حبچ .. من السهر ذابل لوني
لمن اگابل وجهچ لچ .. دنيتي كلهة انساها
شوفتچ تسوة الدنية .. ويا هالشوفة يامحلاها
حبچ ترة فر عقلي لج .. ونساني ربعي واهلي
مجنونچ اني افتهمي .. بس حسي بگلب مجنونچ