بتحلفيلى مالكيش ماضى
وطلع دا كل كلام على الفاضى

عرفت عنك كل حاجه
دلوقتى بيكى خلاص مش راضى
صدقت كذبك كل دا

واما اسألك تحلفى بالله
ماحصلش حاجه اى حاجه
حرام عليكى كفايه كدا

انا لازم دلوقتى اسيبك وانسى
ان انا بقى كنت حبيبك
هبعد عنك واضيع منك وهكمل دنيتى عادى

امسك ايدكى تقولى بلاش
انا الحاجات دى مابعملهاش
واسأل عليكى يقولوا فيكى
حاجات كتير انا ماعرفهاش

قالولى دى عرفت قبليك يجى
خمسه سته ياعينى عليك

واياك تفكر في يوم تبطل
لا لسه دى هتعرف بعديك

انا لازم دلوقتى اسيبك
وانسى ان انا بقى كنت حبيبك
هبعد عنك واضيع منك وهكمل دنيتى عادى