يا دايرة كل يوم تصغر
يا دنيا قاسية بتغير
انا اللي فهمت متأخر
انا غلطان

غريبه الدنيا وعجيبة
انا بتجازى ع الطيبة
كإن خلاص بقت عيبة
تكون انسان

يبان وجعي وانا بحكيه في مواويللي
ودمعة حزينة بتونسني طول ليلي
وبسأل روحي لية مكمل واية باقيلي

وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف لية نسيوني

اديني لسه بتعلم
فيه ناس بخسرها بتقدم
وناس بكسبها بتندم ... وكله نصيب

حكاية ووقتها بيخلص
وغالي في عيني ليه بيرخص
حبايب كل يوم تنقص ... تروح وتغيب