رادوني نص العالم
وملعون گلبي الرادك
مجمر افادي هالعشگ
من كون يچوي افادك

الكاتلني شكلك بيه حسن
طاووس فك جناحه
وشافك نيوتن وانجذب
مو طيحت التفاحة

حن الغريب وماحن
گلبك يماخذ حيلي
وماتحجي ويايه حلو
واگلهم يغنيلي

واحد واحسنك وطن
اضحي ميضحيلي
بس اني مجبر لأن
بالدم احس تمشيلي

لو شفته وجهك بالحلم
ياروحي تحله النومه
ولو جفني ضل ماينفتح
ع النوم ابد مالومه

انت الوحيد اللي صدگ
اسمه الحلو من يومه
وبجسمك من الله عطر
هنيال بيه اهدومه

وگلبي اللي قبلك ماحب
هسه انت شمسويلي
واني المشايف اي سهر
سهران هسه بليلي

ساعات اعوفك بس شرط
من عطرك تخليلي
ويوم اللي تضلم دنيتي
بس وجهك يضويلي