ضايع بدونك
جني شيبه بريش نورس
ضايع بدونك
مثل شذرة ابلايا محبس

عني دور كول وينه
بيا مكان بيا مدينه

شلون ماتفتقد واحد
جان ماليك بحنينه

افتقدني
ويوم ماتلكاني لتحاول تهدني
ترى احبك والله ليهسه بعدني
احظني لتفكر تصدني

اهواي محتاجك تعال
بعد ما بيها مجال

اسهر ابدونك حرام
ونومتي بحظنك حلال

— 

صاير بدونك
جني واحد فاقد اهله
صاير بدونك
وجهي ماينشاف شكله

ضاعت بوجهي المعاني
من كثر دمعي الجواني

والمرايا استغربتني
احس صاير شخص ثاني

الشوك هدني
وحيل مابيه بعد يمك اخذني
مااصدك انت صاير ماتحبني
احظني لتحاول تصدني

من تجي بحظنك افوت
ارد اصيح بعالي صوت

اهنا مكاني اهنا اماني
بدونه الا اشويه اموت