عندك حلم ؟
حققه شمنتظر ؟
محسوبه ايام العمر
الاحلام محتاجه شخص
مثابر ودمه جمر

اخلق امل
وبطل من اليأس
اتنافس انت والشمس
ع النور والحب والدفو
وتصرف بثقه نفس

علّي طموحك واختصر حلمك ولا تفكر بشي
عفيه لتستسلم ابد حقق الحلم الذهبي

كل الفرص ..
استغل كل الفرص
لتقول متصير وخلص
حارب ولا توقف ابد
والصبر زيده لو نقص

عيش بفخر
واسمك احفره بالصخر
حرك جبل نزل قمر
بس بالارادة والصبر
نكدر نغير القدر

لا توقف اش ما حققت .. اطمح للاعلى واستمر
لا ماكو قووه ع الارض تكدر تجبرك تنكسر

تحدى الصعب
اتحمل وقوي القلب
لا توقف بنص الدرب
صدقني تصنع معجزه
مادام اكو شي اسمه حب

لا تنكسر
انت قوي وما تنقدر
سد وابد ما تنعبر
فرصه ومتتكر ابد
لو كل حياتك تنتظر

القمه تنتظرك لأن قدها انت وتعرفك كفو
مادام متضيع وقت .. مستقبلك واضح شنو