جيتونا والحب ملا الكون
مو مرحبا وحده مليون
وبصرتنا بصرتكم تكون
ولوما شالتكم الگاع
انشيلكم وسط لعيون

عين غطا وعين فراش
عاش العراق ... عاش

ضحكت سمانا
ومينا وهوانا
لبيوت نوررت
بلي اجانا

ومن رافديني
مرحبا عيني
فاتح اديني
للي يجيني

انتظرنا هاي اللحظه لسنين
والله وجيتوا وفرحت العين
انتو علينا هوايه غالين
يجمعنا دم ولغه وتاريخ
ما تنمحي كولو آمين

عين غطا وعين فراش
عاش عاش .. عاش العراق عاش

ونروح فدوة
لهاي الاخوة
فرحه وهلاهل
واجواء حلوة

بكل الاماكن
الفرح ساكن
وبزود الاسباع
الوطن امن
عين غطا وعين فراش
عاش .. عاش .. عاش العراق عاش