أنت لي مسموح قـلـبـي تـسـتـغـلـه
دام هو بـالـشـوق لك فياض فيضـه

يـنـبـض ابـحـبـك وفضـالـك مـحـلـه
لك دفـا بـشـتـاه ويـبـردك قــيــضـه

حـزت فـي عيني الغلا والزين كـلـه
ودام عيني تنظرك فهي الحظـيـظـه

اوصـفـك وانــتــه قــبـالـي واتـولـه
وتهت بين النافله ويـا الـفـريـضــه

يــا طـراوة عـود مـــوزٍ دار ظــلــه
منزوي خصرك وردفك في نقيضـه

مـشـيـتـك دولـــة غـرامٍ مـسـتـقـلـه
تتبعك فـيـهـا جـمـاهــيـرٍ عريـضــة

والـمـعـنق فـيـه وصـفٍ اســتــدلــه
من غزالٍ يرتعي فـي وسـط فـيضه

ويهك الـباسـم بـروقـه مـسـتـهـلــه
عقربيه نـوضـهـا يـنـفـض نـفيضـه

والله ان شـوفك يـشـافـي كـل عـلـه
وبسمتك تشفابها النفس الـمريضه

جدت لك بالشعر عـن كـثـره وقـلّـه
وانا لي معروف بالشعر وقريـضـه

اسـبــكـه والـكـيـف فـنـيـالـن ودلـه
انـظـمه وصـداه يـوصل كـل ريضـه

يستثير اشواق من بـه شوق خـلـه
ومن نسا ذكراه لازم يسـتـهـيـضــه