مو اسف ولا ندمان
وانسى البينه نعيده
الحب البي مزاجيات
لاريدك ولا اريده

ساعة تگلي كافي ارجع
وساعة من حياتي اطلع
وانه مثل الطفل وياك
مرة اضحك ومرة ادمع

حبيتك بانانيتك
واويلي شلون داريتك
اكو نقطة بسواد العين
بهاي النقطة خليتك

مال ارجع بعد وياك
صارت سالفة بعيدة
اخر دمعة هاي وروح
كلمن گلبه بين ايده

اعرفك مو على نيتك
بعتني بكثر مشريتك
ومثلك من صرت موزين
مثل الساعة مشيتك

ويا الروح ساويتك
ولا فد يوم اذيتك
يمكن جان من الصوج
انه الموخوش ربيتك