تقهرني من تحلف تحبني وابد متحب ثاني
وهو انت اول من خذلني وباعني وخلاني
من الوعود اشنفذت
بكلهن انت چذبت
بس شفت غيري رحت .. بعت

ومن كل عقلي گاعد چنت اتانيك
مدري شچنت شايف شي حلو بيك
ما چنت اعرف اليمك امنسيك
والصراحة ... چنت اعرف
بس چنت منتظر بلكي تخاف ربك
ماتعذب شخص حبك
رغم اعرف بالسواد المالي گلبك

لتگلي ضحيت بغرامي وماقصدت اجروحي
حبي الك خلاني اندم واستحي من روحي
عيشت گلبي بالوجع
كله چذب حبك طلع
ولمن لعب بيك الطمع .. بعت

ردت بس ابقى يمك .. خاطر ارتاح
وگلت ما احچي بلي عدٌى والراح
انام ابچي بقهر واصحى على اجراح
مات گلبي والمشاعر ...
صارت اتجيب المغثه مو الراحة
وصار لازم انسى حبك
اني جيتك للفرح مو للمناحة

ما راح اسمعك كلمة .. اني راح اعوف السالفة
بس صعبة يجرحني شخص وابوسه من شفايفه
لقلوب لمن تنكسر
اغلى الحبايب ينخسر
جازيتني انت بغدر ... بعت

ولو ستين مره انتهي بلياك
تبقى مستحيلة الرجعة وياك
گلبي الطيب اني اجبره ينساك
وما يفكر بيك مرة
وما يرجعني على نفس المذلة
اني عندي الموت ارحم
ولا راسي ابحبك ابفد يوم انزله