‎هوى يمرني ويلاعب كذلتي [1] الشقرة
هوى يخليني ما اكتب ولا اقرا
‎هوى يوديني يمك يا ابو العشرة
‎وارجع طفله بين ايديك
‎حبيبة بكل مسا تغنيك

‎يا مجنون اش لعبت بقلبي واحساسي
‎امشي ويمي تتهامس علي ناسي
‎دنيا بغيبتك طاحت على راسي
‎يمي وانه احلم بيك
‎جاوبني إذا اعنيك

‎مثل شهقة اشمك واغرق بعطرك
‎كون الخنقه بيا ما تمر صدرك
‎إذا الغروب اقعد أنا انتظرك
‎وَيّة جرة النفس ابكيك
‎اموت وماتحس شبيك
‎‏
‎اقرب من خيالك ترمش عيوني
‎يا آخر قصيدة بدفتر ظنوني
‎اشرد لو بعد عنك يسألوني
‎صرت انحرج من طاريك [2]
‎عيوني بس تسولف بيك

‎هوى يابو الهوى وعنده عتب بابي
‎من سنتين ما زاروني احبابي
‎لعبتك صايره من تحرق اعصابي
‎لو بس أعرف ال يكفيك
‎بس قلي شنو اليرضيك