ما تندم عَشي
كل شي بهالحياة تجربة اعتبرو
ما تستصغر شي
الله بأضعف خلقو حطّلّك سِرّو
في خطايا بريئة
ما بينحسبو بشرع الحب بينغفرو

يا قلبي سامحني
عملت شي ما بيشبهني
يا قلبي سامحني
واللهي غصبن عنّي

الحب هوّي انّك تضحّي
وجروح البتحبّو تمحّي
أكبر غلطة بهيدي الدنيي
قدّام الحب صغيري

بهالزمن … كل شي إلو تمن

لما المصايب يكترو
ببينو المعادن
مين حدّك لفترة
ومين للآخر بضاين

ما تتّاخد بالعواطف
صدِّقني الحب مواقف
من غيرَك الهوا بيزعجني
منَّك بتحمّل عواصف