لو كل يوم .. فارقنا ناس بنحبها
هتيجي لحظة، الدنيا تفضي، والوحده تملالنا المكان
الرحلة ناس .. بنحبها وبتحبنا
فيهم عيوب فينا عيوب بس القلوب
هيه الأهم ف الحكايه كلها
دا مش كلام مزوق .. اهدا ياعم روق
بسطها وانت تحبها، استحالة
تقدر تعيش لو كان مفيش
حواليك حاجات تشتاقلها
حبيب يطبطب .. غريب يقرب
او حاجه صدفة قابلتها
والله سهله، ومش مستاهله
ويا سيدي الناس ل بعضها
الذكريات .. دي فيها كل عمرنا
فيها حكاياتنا وسنين حياتنا وعشره دامت كام سنه
ازاي يهون .. دا كله بسهوله كده
يبقالنا مين، ونلاقي فين نفس الحنين
لو كل حاجة حلوة راحت مننا