قهوة لأتنين
بِقهوة زغيري قعدنا
وفيها ياما تواعدنا
بِآخر ليل
وشو كان الليل ساعتها طويل
متل الأغراب سَكتنا
وشو اتطلّعنا بساعتنا
ما بعرف كيف تَصار الوقت
عَلينا تقيل

قهوة لأتنين قهوة لأتنين
حبيبي طَلَب
وِبْإيدو سقاني دمعة عين
قهوة لأتنين قهوة لأتنين
ومين بَدّو ينام
ورح يجينا النوم منَين

حساب القهوة طَلبنا
وعالعمر ما تحاسبنا
شو طلع حساب عُمرنا الل غاب
يا ليل رخيص
مين لْغلطان ما قلنا
وعالماضي ما سَألنا
شو نفع اللوم لو ماتت يوم
كلّ الأحاسيس