عين بعين لمن صار الوداع
أحلى ايام ضاعت من أدينه
ما أدري نتصافح آنه وياك
مدري چفوفنة تمسح بچينه
سكته شفافنه وما ندري شنكول
بس بالعين نتوادع بقينه
ما ادري بطريقك وين ما وين
ولا ادري شوكت ترجع علينه
اذا واحدنه يچفي الاخر يموت
بعد يا دنيا ليش تباعدينه

مسافر ودربي بعيد
راحوا احبابي من أديه
والعمر لا ما يفيد
ألا ويعودون أليه
مشوا عني وما دريت
حسره وبلوعه بقيت
آه لو يدرون بيه
والله لو يدرون بيه

چنت شمعة ودوم انور
والقهر خلاني اذوب
ليل ونهار آنه أدور
حتى ملتني الدروب
تيهت وتيهوني ضيعتهم ضيعوني
آه لو يدرون بيه والله لو يدرون بيه

يا خساره يضيع تعبي عمري شو راح وتعده
وشيخيط جروح قلبي وشيلم ماي التبده
وهاي قسمة وراضي بيهه
دروب وعرة ومعتنيها