حبيبك
صار يتنفس عذاب
ماله داعي يطول هيچ غيابك
ربك يسد باب
يفتح مية باب
لعد ليش اتأخر وماجابك

هيچ تاليها انعفت
على الشوگ اتأسفت
من هواك اني اشفت
بس مذلة وبس بچي

على حيطان الحزن
تعلگت صورة حضن
ودمعة متعلگة بجفن
تغني عن كل الحچي

أريدك
وما استاهل هالجروح
بكل دقيقة اتمر عليه اشتاگلك
اني من
تحتاجني اركض عليك
شبيك تشمت بيه .. من أحتاجلك

اثيابك احضنهن وانام
والدمع يلغي الكلام
البيه سويته حرام
هوايه منك منقهر

چنت اسندك من تميل
ما اعوفك مستحيل
ليش عايفني ذليل
يا بعد كل العمر