موسوعة كلمات الأغاني العربية

إبحث عن كلمات أغنية

كلمات أغنية الساعة


كلمات أغنية الساعة

رابح درياسة

كلمات أغنية الساعة

يا ساعة يهديك دوري واجري بالرقاص
عيني تنظر في رقامك والخاطر محتار
وعد حبيبي طال وقلبي راه قطع الياس
ولات دقيقة بساعة والساعة بنهار

انت قلبك راه هاني يتمشى بقياس
و انا قلبي راه يخفق كي ريشة لطيار
انت مخدومة حديدة وابن آدم حساس
في وقت الفرقة كبادو تكويها لجمار

يا حليل اللي راه وحدو ما عندو وناس
طول الليل يبات قلبو تشعل فيه النار
دقات الساعة تزيدو عن حالو وسواس
ما يوجد حبيب يمسح دمعو من لبصار

وانا راني غير وحدي وصبري راه خلاص
متشوق لحبيب قلبي يشفي لي لضرار
وانتي ساعة ثقيلة ورقاصك نعاس
وانا وعدي بيك خفي هذا عنك عار

A أرسلت هذه الأغنية من قبل