كلمات أغنية لعله خير
كلمات : عمر طاهر
الحان : حمزة نَمِرة
الحان : حمزة نَمِرة
توزيع وميكساچ: كريم عبد الوهاب
جيتار: مصطفى أصلان
تنفيذ وتريات: أحمد عاطف
أغنية لعله خير من ألبوم رايق
كلمات أغنية لعله خير
النجوم مرصوصة كده رصة أبهة
واللي كان حازز ف قلبي خلاص انتهى
فرصة سعيدة أيها الليل اللي جي
الضلمة بتبروز ساعات في القلب ضي
ولعله خير
يا نجوم بترقص في السما لعله خير
سكر خفيف الشاي عملته وجيت
وقلت بس ياريت الدنيا تسمعني
ورا القزاز واقف موارب شيش
ومن الليلادي مافيش
قوة هتمنعني
قال القمر قرب هنا أسهر معاك
عندي خبر بس انت رد الباب وراك
ولعله خير
ايه اللي عندك يا قمر لعله خير
ياما وقعنا في الطريق ونقوم
لا حزن كان بيدوم
ولا جرح بيطول
وتخونني خطوة أمشي خطوة كمان
ألقى طريقي يبان
أسهل من الأول
بان من بعيد الشمس جاية تقول سلام
يومي الجديد رفرف على جناح الحمام
ولعله خير
دي الشمس جاية ف وقتها
لعله خير
هذه الأغنية بالفيديو :
أغنية لعله خير
أرسلت هذه الأغنية من قبل
