بهذا اليوم
مدري شصار
واجيت انت علـى بالـي..!!
هـزنـي الشـوگ
وانت ابعيـد
واحسك واگف گبـالـي..!!
حضنتك وابچـي من گلبـي
واحچيـلك علـى غيـابك
كأنـّي اتخيـلك مـوجود
واشم عطري على ثيـابك
ليـش الدنيـا حرمتنـي
ليـش الدنيـا أذتني
فدوة ارجعلي محتاجك
تـرى الايـام ذلتني

بهـذا اليـوم
اني ويـاك
اول مـا تـلاگينـا
وكل الناس
بالنظرات
عـرفـوا بينا حبينه
احلا حب سوى عشناه
واحد عـاشگ الثاني
ماچنت ادري منـي تـروح
واظـل اشتاگـلك انـــي
هاي اللحظـة بچتني
هاي الفرگة كسرتني
من گـد ما وراك ابچيـت
حتـى عيـوني ملتني

بهذا اليوم
يكمل عام
من يوم اللي فارگتك
وتعرف ليش
ما ناسيك
لأن وحدك تذكرتك
چنت اتوقع الايـام
هيـه اللي تنسيني
بـس الذكريات اهـواي
وامحي البينـك وبينــي
نـاس اليمي ملتني
وحدي بهمي خلتني
وحشة بدونك ايامي
منك ليش بعدتني